Дэдлайн на праграму “Пасольскі фонд захавання культурнай спадчыны” (AFCP) перанесены на 9 снежня! Селета перевага будзе нададзена праектам, звязаным з развiццём экатурызму i гiсторыка-культурнага турызму ў Беларусi.
Пра AFCP:
Амбасада Злучаных Штатаў Амерыкі ў Беларусі прымае заяўкі на гранты “Пасольскага фонду захавання культурнай спадчыны”. Гэтая прэстыжная праграма ўрада ЗША з 2001 года прадастаўляе фінансавую падтрымку праектам па ахове культурных каштоўнасцяў па ўсім свеце.
У конкурсе могуць прымаць удзел беларускія няўрадавыя арганізацыі, установы культуры, музеі і г.д. Гранты выдзяляюцца на праекты ў такіх сферах як рэстаўрацыя гістарычных будынкаў; ацэнка і кансервацыя музейных калекцый; захаванне месцаў археалагічных раскопак; захаванне традыцыйных рамёстваў, песеннай і харэаграфічнай спадчыны, што знаходзяцца пад пагрозай знікнення; паляпшэнне ўмоваў захоўвання архіваў, манускрыптаў і дакументаў на мясцовых мовах.
Заяўкі неабходна дасылаць згодна з 9 часткай наступных інструкцый на электронны адрас MinskAFCP@state.gov з пазнакай “AFCP” не пазней за 2 снежня 2019 года. Па дадатковую інфармацыю можна звяртацца ў Аддзел інфармацыі, адукацыі і культуры Амбасады ЗША па тэлефоне (017) 210-12-83 (5604).
