Праграма Фулбрайт па павышэнні педагагічнага майстэрства (The Fulbright Teaching Excellence and Achievement Program (Fulbright TEA)) прапануе замежным педагогам устаноў сярэдняй адукацыі магчымасць прайсці шасцітыднёвае прафесійнае навучанне ў адным з універсітэтаў ЗША. Удзельнікі(-цы) праграмы наведваюць лекцыі і семінары, назіраюць за працай амерыканскіх калег і атрымліваюць практычны досвед выкладання ў амерыканскай сярэдняй школе, а таксама абменьваюцца лепшымі педагагічнымі практыкамі з выкладчыкамі і студэнтамі прымаючага ўніверсітэта і мясцовых сярэдніх школ.

Патрабаванні да кандыдатаў:

• з’яўляцца настаўнікам(-цай) англійскай мовы, англійскай мовы як замежнай (EFL), матэматыкі, прыродазнаўчых навук або грамадазнаўства, у тым ліку выкладчыкам(-цай) спецыяльных дысцыплін ва ўстановах фармальнай ці нефармальнай сярэдняй адукацыі ў Беларусі ці іншай краіне;

• мець вышэйшую адукацыю (ступень бакалаўра ці эквівалент);

• мець мінімум тры гады досведу выкладання на поўную стаўку на момант пачатку праграмы;

• свабодна валодаць вуснай і пісьмовай англійскай мовай (паўфіналістам патрэбна будзе здаць тэст TOEFL);

• мець грамадзянства Беларусі.

Больш інфармацыі аб праграме: https://www.fulbrightteacherexchanges.org/programs/tea/

Працэдура падачы заяўкі

У цяперашні момант заяўкі на дадзеную праграму не прымаюцца. Калі ў вас ёсць пытанні аб праграме Fulbright TEA, калі ласка, звяжыцеся з Амерыканскімі саветамі па міжнароднай адукацыі па адрасе belarus@americancouncils.org

Адбор кандыдатаў(-ак) для ўдзелу ў праграме ажыццяўляецца аддзелам публічнай дыпламатыі Пасольства ЗША ў Беларусі пры падтрымцы Амерыканскіх саветаў па міжнароднай адукацыі. Кандыдаты(-кі), якія прайшлі папярэдні адбор, будуць запрошаны на інтэрв’ю.

Праграма дае роўныя магчымасці ўсім суіскальнікам(-цам) і не дапускае дыскрымінацыі па прыкмеце расы, колеру скуры, полу, рэлігіі, нацыянальнага або этнічнага паходжання, роднай мовы, інваліднасці або абмежаваных магчымасцяў.

Праграма адкрыта для ўсіх грамадзян(-ак) Беларусі, якія адпавядаюць патрабаванням, незалежна ад іх месца жыхарства ў цяперашні час.

Праграма YTILI (The Young Transatlantic Innovation Leaders Initiative) – гэта вядучая праграма Дзяржаўнага дэпартамента ЗША для прадпрымальнікаў-пачаткоўцаў з Еўропы. YTILI дазваляе групе маладых еўрапейскіх прадпрымальнікаў(-іц) узяць удзел у мерапрыемствах, накіраваных на пашырэнне трансатлантычнага дыялогу паміж лідэрамі(-камі) бізнесу з Еўропы і ЗША і стварэнне ўстойлівага міжкультурнага супрацоўніцтва. Падрабязней пра праграму можна даведацца на сайце https://ytili.org/

Удзельнікі(-цы) праграмы YTILI павінны быць шчыра захоплены сваімі камерцыйнымі або сацыяльнымі праектамі, а таксама садзейнічаць інавацыйным і пазітыўным зменам у сваіх краінах. Мы рэкамендуем падаваць заяўку, калі вы хочаце атрымаць прафесійны досвед, развіць трансатлантычныя сувязі і пашырыць маштабы свайго бізнэсу ці сацыяльнага прадпрыемства.

Працэдура падачы заяўкі

У цяперашні момант заяўкі на дадзеную праграму не прымаюцца. Калі ў вас ёсць пытанні аб праграме YTILI, калі ласка, звяжыцеся з Амерыканскімі саветамі па міжнароднай адукацыі па адрасе belarus@americancouncils.org

Амбасада ЗША ў Беларусі абвяшчае штогадовы конкурс на ўдзел у Праграме імя сенатара Фулбрайта для беларускіх навукоўцаў і выкладчыкаў ВНУ на 2021-2022 навучальны год.

Праграма Фулбрайта – гэта стажыроўка для навукоўцаў, даследчыкаў, выкладчыкаў ВНУ і спецыялістаў з акадэмічных устаноў  Беларусі, якія маюць ступень кандыдата або доктара навук. Яна прадугледжвае правядзенне навуковых даследванняў і/альбо лектарскай дзейнасці ў амерыканскіх універсітэтах тэрмінам ад 3 да 6 месяцаў. У межах дадзенай праграмы атрыманне навуковай ступені ў ЗША не прадугледжваецца.

Кандыдаты на ўдзел у праграме павінны мець асноўнае месца працы ў якасці выкладчыка ці навуковага супрацоўніка ў адной з вышэйшых навучальных ці даследчыцкіх устаноў  Беларусі. Асаблівая перавага аддаецца кандыдатам, якія маюць не толькі жаданне ў поўнай меры скарыстацца ўмовамі і магчымасцю правядзення даследаванняў і/ альбо лектарскай дзейнасці ў вышэйшых навучальных установах ЗША, але і гатовыя па вяртанні ў Беларусь падзяліцца атрыманым вопытам і ведамі са сваімі калегамі. Гэты вопыт павінен мець значэнне не толькі для ўдзельніка праграмы і ўніверсітэта, у якім ён/яна працуе ў сваёй краіне, для студэнтаў і мясцовых выкладчыкаў, але таксама і для прымаючага амерыканскага боку. Удзельнікі праграмы Фулбрайта, з’яўляючыся праваднікамі сваёй культуры, павінны быць гатовыя прадстаўляць сваю краіну, яе гісторыю і культуру, распавядаць пра тэматыку сваіх навуковых даследаванняў у навуковых колах і перад грамадскасцю.

Зацікаўленыя кандыдаты маюць:

• быць грамадзянамі Беларусі і пастаянна пражываць у Беларусі;
• мець навуковую ступень кандыдата навук або доктара навук;
• добра валодаць англійскай мовай;
• мець магчымасць атрымаць прымальнае медыцынскае пасведчанне аб стане здароўя.

Магчымыя галіны даследванняў:

• Сельская гаспадарка
• Амерыканістыка
• Біялогія
• Бізнес-адміністраванне
• Хімія
• Псіхалогія
• Эканоміка
• Адукацыя
• Інжынірынг
• Экалогія
• Кіназнаўства
• Гісторыя
• Інфармацыйныя навукі
• Журналістыка
• Юрыспрудэнцыя
• Бібліятэказнаўства
• Матэматыка
• Медыцына і ахова здароўя
• Фізіка
• Паліталогія
• Дзяржаўнае кіраванне
• Сацыяльная работа
• Сацыялогія
• Выкладанне англійскай мовы як замежнай
• Тэатр
• Горадабудаўніцтва

Фінансаванне праграмы

Праграма Фулбрайта спансуецца Дзярждэпартаментам ЗША. Праграма аплачвае:

• міжнародны пералёт;
• штомесячную стыпендыю на працягу ўсяго перыяду стажыроўкі;
• набыццё навуковай літаратуры;
• дапамогу на ўладкаванне на новым месцы;
• штомесячную выплату на членаў сям’і, якія суправаджаюць удзельніка праграмы;
• медыцынскую страхоўку.

Працэс падачы заявак

Зацікаўленыя кандыдаты павінны запоўніць анлайн-заяўку на:

https://apply.iie.org/fvsp2021/

Заяўка ўключае ў сябе наступнае:

• дэталёвае апісанне запланаванай даследчай дзейнасці/тэматыкі лекцый у ЗША;
• прафесійнае рэзюмэ;
• тры рэкамендацыйныя лісты;
• бібліяграфію (праграму даследаванняў) і /ці праграму курса лекцый;
• ліст-запрашэнне ад амерыканскага ўніверсітэта, пры наяўнасці;
• копіяю пасведчання аб доктарскай або кандыдацкай ступені;
• копію пашпарта.

Заяўкі на ўдзел у праграме прымаюцца па 15 снежня 2020 года.

Адбор кандыдатаў на ўдзел у Праграме Фулбрайта для беларускіх навукоўцаў праводзіцца Аддзелам інфармацыі, адукацыі і культуры амбасады ЗША ў Мінску. Паспяховыя кандыдаты будуць запрошаныя на інтэрв’ю ў снежні.

Праграма дае роўныя магчымасці ўсім удзельнікам і не дыскрымінуе іх па расавых, палавых, рэлігійных, нацыянальных і этнічных прыкметах, сэксуальнай арыентацыі, мове або інваліднасці.

Па дадатковую інфармацыю, калі ласка, звяртайцеся ў Аддзел інфармацыі, адукацыі і культуры Амбасады ЗША па тэлефоне 375-17-210-12-83 /дад. 5612 альбо па электроннай пошце: belarusprogram@gmail.com

Праграма стыпендый Х’юберта Хамфры – гэта гадавая праграма для маладых і дасведчаных спецыялістаў(-ак), якія акрамя досведу ў сваёй прафесійнай галіне таксама маюць пацверджаны лідэрскі досвед, прыхільнасць служэнню грамадству і здольнасць у поўнай меры скарыстацца перавагамі самастойна распрацаванай праграмы незалежнага навучання без атрымання ступені ў адным з вядучых універсітэтаў ЗША. Па выніках праграмы выдаецца сертыфікат ад урада ЗША. Праграма не прызначана для атрымання акадэмічнай ступені.

Праграма Х’юберта Хамфры дае магчымасць дасведчаным спецыялістам(-кам) у разнастайных прафесійных галінах з Беларусі і іншых краін свету прайсці гадавую стажыроўку ў ЗША, якая дазваляе навучацца ва ўніверсітэце на ўзроўні магістратуры і адначасова ўдасканальваць сваё прафесійнае майстэрства. Праграма была створана ў 1978 годзе і атрымала сваю назву ў гонар былога амерыканскага сенатара і віцэ-прэзідэнта Х’юберта Харэйша Хамфры.

Праграма стварае падмурак для наладжвання працяглых стасункаў паміж грамадзянамі(-камі) Злучаных Штатаў Амерыкі і іх калегамі з іншых краін, спрыяе абмену ведамі, а таксама садзейнічае дасягненню ўзаемаразумення ў свеце.

Удзельнікі(-цы) адбіраюцца на конкурснай аснове з улікам іх лідэрскага патэнцыялу і прыхільнасці служэнню грамадству.

Кандыдаты(-кі) мусяць працаваць у наступных галінах:

Чалавечы і інстытуцыянальны патэнцыял

• Эканамічнае развіццё;

• Фінансы і банкаўская справа;

• Аналіз дзяржаўнай палітыкі і публічнае адміністраванне;

• Тэхналагічная палітыка і кіраванне;

• Кіраванне чалавечымі рэсурсамі.

Правы і свабоды 

• Камунікацыі і журналістыка;

• Міжнародная рэлігійная свабода;

• Права і правы чалавека;

• Палітыка ў галіне прадухілення гандлю людзьмі.

Устойлівае землекарыстанне

• Сельская гаспадарка і развіццё сельскіх рэгіёнаў;

• Прыродныя рэсурсы, экалагічная палітыка і змена клімата;

• Гарадское і рэгіянальнае планаванне.

Квітнеючыя супольнасці

• Заразныя і інфекцыйныя захворванні;

• Палітыка і кіраванне ў галіне аховы грамадскага здароўя;

• ВІЧ/СНІД, палітыка і прафілактыка;

• Адукацыя, лячэнне і прафілактыка злоўжывання псіхаактыўнымі рэчывамі;

• Кіраванне, планаванне і палітыка ў галіне адукацыі;

• Адміністраванне ў галіне вышэйшай адукацыі;

• Выкладанне англійскай мовы як замежнай.

Працэдура падачы заяўкі

Анлайн-заяўкі прымаюцца да 23:59 (па мінскім часе) 3 верасня 2023 года.

Форму анлайн-заяўкі і дадатковыя інструкцыі можна знайсці па спасылцы: https://apply.iie.org/huberthhumphrey. Усе анкеты і дадатковыя дакументы мусяць падавацца ТОЛЬКІ анлайн.

Калі ў вас не атрымліваецца стварыць заяўку пасля пераходу па спасылцы “Start New Application”, паспрабуйце пасля стварэння акаўнта (ці ўваходу ў акаўнт) зачыніць акно браўзера і зноў перайсці па наўпроставай спасылцы на анкету і стварыць заяўку.

У адказе на пытанне “What is your country of permanent residence?” пазначце “Belarus”, нават калі вы ў дадзены момант жывяце не ў Беларусі, а пасля патлумачце вашу дакладную сітуацыю пазней у анкеце.

Калі ласка, напішыце нам, калі сутыкнецеся з будзь-якімі складанасцямі.

Пасля нацыянальнага этапаадбору кандыдатуры прэтэндэнтаў(-ак) на ўдзел у праграме будуць разгледжаны незалежнымі адборачнымі камітэтамі і Саветам па замежных стыпендыях імя Дж. Уільяма Фулбрайта ў ЗША. Фіналісты(-кі) праграмы будуць аб’яўлены прыблізна ў сакавіку 2024 года.

Кандыдаты(-кі) на ўдзел у праграме мусяць мець грамадзянства Беларусі, а таксама:

• мець вышэйшую адукацыю (ступень бакалаўра ці эквівалент);

• мець досвед працы ў адпаведнай галіне не менш за пяць (5) гадоў;

• дэманстраваць лідэрскія якасці і імкненне прыносіць карысць грамадству;

• добра валодаць вуснай і пісьмовай англійскай мовай (паўфіналістам патрэбна будзе здаць тэст TOEFL);

• мець абмежаваны досвед папярэдняга наведвання ЗША.

Умовы ўдзелу

Праграма Х’юберта Хамфры аплачвае міжнародныя пералёты, кошты навучання ва ўніверсітэце, медыцынскую страхоўку, а таксама штомесячную стыпендыю і аднаразовыя выплаты (сродкі для набыцця падручнікаў, ўдзелу ў прафесійных мерапрыемствах і г.д.). Праграма таксама прапануе візавую падтрымку для суправаджаючых членаў сям’і, але не пакрывае выдаткі на іх знаходжанне ў ЗША.

Каб даведацца больш аб праграме Х’юберта Хамфры, калі ласка, наведайце афіцыйны англамоўны сайт праграмы https://humphreyfellowship.org/ ці старонкі праграмы ў сацыяльных сетках: Facebook, Instagram, Twitter, YouTube, LinkedIn.

Адбор кандыдатаў(-ак) для ўдзелу ў праграме ажыццяўляецца аддзелам публічнай дыпламатыі Амбасады ЗША ў Беларусі пры падтрымцы Амерыканскіх саветаў па міжнароднай адукацыі. Кандыдаты(-кі), якія прайшлі папярэдні адбор, будуць запрошаны на інтэрв’ю.

Праграма дае роўныя магчымасці ўсім суіскальнікам(-цам) і не дапускае дыскрымінацыі па прыкмеце расы, колеру скуры, полу, рэлігіі, нацыянальнага або этнічнага паходжання, роднай мовы, інваліднасці або абмежаваных магчымасцяў.

Праграма адкрыта для ўсіх грамадзян(-ак) Беларусі, якія адпавядаюць патрабаванням, незалежна ад іх месца жыхарства ў цяперашні час. Калі ласка накіроўвайце ўсе пытанні, якія тычацца праграм Фулбрайт для грамадзян(-ак) Беларусі, па адрасе: belarus@americancouncils.org.

Летняя праграма стажыровак Бенджаміна Франкліна (Benjamin Franklin Transatlantic Fellowship) – гэта інтэнсіўная кароткатэрміновая праграма абмену, якая была створана для развіцця стасункаў паміж маладымі еўрапейцамі і амерыканцамі з мэтай стварэння моцных узаемаадносін і ўсведамлення агульных каштоўнасцяў. Чатырохтыднёвая праграма дазваляе падлеткам ва ўзросце 16-18 гадоў пазнаёміцца з прыярытэтамі знешняй палітыкі ЗША, такімі як моладзевы ўдзел, падтрымка дэмакратыі і грамадзянскай супольнасці, а таксама эканамічны росквіт. Праграма складаецца з серыі лекцый, семінарскіх дыскусій і прэзентацый, а таксама разнастайных практычных заняткаў пад кіраўніцтвам выкладчыкаў і ментараў. Навучальная праграма і аўдыторныя заняткі дапаўняюцца грамадскай дзейнасцю, экскурсіямі, сацыяльнымі і культурнымі мерапрыемствамі, а таксама пражываннем у амерыканскіх сем’ях для больш глыбокага знаёмства ўдзельнікаў(-іц) з амерыканскім грамадствам.

Падчас акадэмічнай часткі праграмы ўдзельнікі(-цы) таксама маюць магчымасць абмеркаваць такія тэмы як дэмакратычныя практыкі, вырашэнне канфліктаў, камунікацыя, крытычнае мысленне, талерантнасць і павага да разнастайнасці, моладзевае лідэрства, стварэнне каманды і сродкі масавай інфармацыі. У межах праграмы таксама абмяркоўваецца, як свабода слова дае правы і накладае абавязкі на грамадзян.

Праграма праводзіцца на базе Універсітэта Перд’ю (Purdue University), г. Уэст-Лафайет, штат Індыяна.

Патрабаванні да кандадатаў (-так)

Чакаецца, што ўсе кандыдаты (-кі) будуць мець заўважную зацікаўленасць у вывучэнні дыпламатыі, трансатлантычных стасункаў, ролі свабоднай прэсы ў дэмакратычным грамадстве, а таксама ў дзяржаўнай ці грамадскай працы. Удзельнікі(-цы) павінны цікавіцца камунікацыямі, адвакацыяй, дэбатамі і/ці грамадзянскім ўдзелам. Яны мусяць валодаць акадэмічнымі здольнасцямі да праграмы такой інтэнсіўнасці і асабістымі якасцямі, неабходнымі для поспеху, уключаючы сталасць, моцныя сацыяльныя навыкі, гнуткасць і адкрытасць.

Патрабаванні да кандыдатаў (-ак):

• быць ва ўзросце 16, 17 ці 18 гадоў на момант пачатку праграмы;

• добра валодаць англійскай мовай і быць здольнымі прадэманстраваць гэта падчас інтэрв’ю;

• мець намер працягнуць навучанне ў школе ці універсітэце ў сваіх краінах пасля ўдзелу у праграме;

• дэманстраваць моцны лідэрскі патэнцыял і цікавасць да трансатлантычных стасункаў і дыпламатыі;

• быць шчыра зацікаўленымі ў тым, каб даведацца больш пра Злучаныя Штаты;

• дэманстраваць высокі ўзровень акадэмічных дасягненняў, што мусіць пацвярджацца адзнакамі, узнагародамі і рэкамендацыямі настаўнікаў;

• дэманстраваць прыхільнасць да грамадскай і пазакласнай дзейнасці;

• не мець досведу (ці мець абмежаваны досвед) наведвання Злучаных Штатаў;

• быць сталымі, адказнымі, незалежнымі, упэўненымі, адкрытымі, талерантнымі, удумлівымі і дапытлівымі;

• быць гатовымі і здольнымі паўнавартасна ўдзельнічаць у інтэнсіўнай летняй праграме, якая ўключае валанцёрскую дзейнасць і адукацыйныя паездкі;

• быць гатовымі да жыцця ў студэнцкім гарадку, пражывання ў адным пакоі з іншымі ўдзельнікамі(-цамі), падарожжаў і зносінаў у шматнацыянальнай, сумеснай групе моладзі з Еўропы і ЗША;

• адчуваць сябе камфортна ў зносінах з амерыканцамі(-камі), якіх яны сустрэнуць падчас праграмы;

• быць здольнымі адаптавацца да культурных і сацыяльных нормаў, якія адрозніваюцца ад тых, якія існуюць у іх уласных краінах.

Ад Беларусі адбіраецца адзін асноўны і адзін запасны кандыдат(-ка).

Працэдура падачы заяўкі

У цяперашні момант заяўкі на дадзеную праграму не прымаюцца. Калі ў вас ёсць пытанні аб праграме Benjamin Franklin Transatlantic Fellowship, калі ласка, звяжыцеся з Амерыканскімі саветамі па міжнароднай адукацыі па адрасе belarus@americancouncils.org

Адбор кандыдатаў(-ак) для ўдзелу ў праграме ажыццяўляецца аддзелам публічнай дыпламатыі Амбасады ЗША ў Беларусі пры падтрымцы Амерыканскіх саветаў па міжнароднай адукацыі. Кандыдаты(-кі), якія прайшлі папярэдні адбор, будуць запрошаны на інтэрв’ю.

Праграма адкрыта для ўсіх грамадзян(-ак) Беларусі, якія адпавядаюць патрабаванням, незалежна ад іх месца жыхарства ў цяперашні час.

Праграма Фулбрайт для замежных студэнтаў (The Fulbright Foreign Student Program (FFSP)) дазваляе ўдзельнікам(-цам) вучыцца да двух гадоў ва ўніверсітэтах ЗША для атрымання ступені магістра ў галіне эканомікі, адукацыі, экалагічнай палітыкі і кіравання, міжнародных стасункаў, журналістыкі і масавых камунікацый, права, бібліятэчных і інфармацыйных навук, дзяржаўнага кіравання, грамадскага аховы здароўя і дзяржаўнай палітыкі і інш. Удзельнікі(-цы) адбіраюцца па выніках адкрытага конкурсу

Праграма прапануе фінансаванне на ўвесь перыяд навучання. Грант пакрывае выдаткі на навучанне, авіябілеты, а таксама ўключае штомесячную стыпендыю і медыцынскую страхоўку. Акрамя таго, на конкурснай аснове будзе магчыма прайсці прафесійную стажыроўку. Гэты конкурс будзе праводзіцца ў ЗША пасля таго, як удзельнікі(-цы) пачнуць сваё навучанне.

Патрабаванні да кандыдатаў:

• мець беларускае грамадзянства;

• свабодна валодаць вуснай і пісьмовай англійскай мовай (паўфіналістам патрэбна будзе здаць тэст TOEFL);

• мець скончаную вышэйшую адукацыю (ступень бакалаўра ці эквівалент) на момант падачы заяўкі.

Працэдура падачы заяўкі

Анлайн-заяўкі прымаюцца да 23:59 (па мінскім часе) 3 верасня 2023 года.

Форму анлайн-заяўкі і дадатковыя інструкцыі можна знайсці па спасылцы: https://apply.iie.org/ffsp2024/. Усе анкеты і дадатковыя дакументы мусяць падавацца ТОЛЬКІ анлайн.

Калі ў вас не атрымліваецца стварыць заяўку пасля пераходу па спасылцы “Start New Application”, паспрабуйце пасля стварэння акаўнта (ці ўваходу ў акаўнт) зачыніць акно браўзера і зноў перайсці па наўпроставай спасылцы на анкету і стварыць заяўку.

У адказе на пытанне “What is your country of permanent residence?” пазначце “Belarus”, нават калі вы ў дадзены момант жывяце не ў Беларусі, а пасля патлумачце вашу дакладную сітуацыю пазней у анкеце.

Для падачы заяўкі на дзве асобныя праграмы – Fulbright Faculty Development Program і Fulbright Foreign Student Program – выкарыстоўваецца адзіная анлайн-форма. Таму, калі ласка, абярыце пажаданую назву праграмы (“award name”) на першых кроках запаўнення анкеты.

Калі ласка, напішыце нам, калі сутыкнецеся з будзь-якімі складанасцямі.

Адбор кандыдатаў(-ак) для ўдзелу ў праграме ажыццяўляецца аддзелам публічнай дыпламатыі Амбасады ЗША ў Беларусі пры падтрымцы Амерыканскіх саветаў па міжнароднай адукацыі. Кандыдаты(-кі), якія прайшлі папярэдні адбор, будуць запрошаны на інтэрв’ю.

Праграма дае роўныя магчымасці ўсім суіскальнікам(-цам) і не дапускае дыскрымінацыі па прыкмеце расы, колеру скуры, полу, рэлігіі, нацыянальнага або этнічнага паходжання, роднай мовы, інваліднасці або абмежаваных магчымасцяў.

Праграма адкрыта для ўсіх грамадзян(-ак) Беларусі, якія адпавядаюць патрабаванням, незалежна ад іх месца жыхарства ў цяперашні час. Калі ласка накіроўвайце ўсе пытанні, якія тычацца праграм Фулбрайт для грамадзян(-ак) Беларусі, па адрасе: belarus@americancouncils.org.

Праграма PFP (Professional Fellows Program) – гэта двухбаковая праграма міжнароднага абмену, якая спансуецца Дзяржаўным дэпартаментам ЗША. Праграма імкнецца садзейнічаць узаемаразуменню, развіццю лідэрскіх і прафесійных навыкаў, а таксама стварэнню трывалых і ўстойлівых партнёрскіх стасункаў паміж маладымі лідэрамі(-камі) ЗША і іншых краін. Асноўным элементам праграмы для замежных удзельнікаў(-іц) з’яўляецца змястоўная пяці-шасцітыднёвая стажыроўка ў амерыканскіх арганізацыях, дапоўненая сумесным праектам у іх роднай краіне. Больш падрабязную інфармацыю аб праграме можна знайсці на сайце www.professionalfellows.org.

Працэдура падачы заяўкі

У цяперашні момант заяўкі на дадзеную праграму не прымаюцца. Калі ў вас ёсць пытанні аб праграме PFP, калі ласка, звяжыцеся з Амерыканскімі саветамі па міжнароднай адукацыі па адрасе belarus@americancouncils.org

Праграма Global UGRAD прапануе выбітным студэнтам(-кам) вышэйшых навучальных устаноў стыпендыі на адзін семестр для вочнага навучання ў Злучаных Штатах без атрымання ступені. Удзельнікі(-цы) павінны быць студэнтамі(-камі) першых двух курсаў чатырохгадовых праграм бакалаўрыяту або першых трох курсаў пяцігадовых праграм бакалаўрыяту або спецыялітэту ва ўніверсітэтах Беларусі ці іншых краін.

Global UGRAD з’яўляецца праграмай Бюро па пытаннях адукацыі і культуры Дзяржаўнага дэпартамента ЗША і накіравана на прыцягненне ўдзельнікаў(-іц) з малапрадстаўленых слаёў насельніцтва, якія не мелі іншых магчымасцяў вучыцца ў ЗША. Паспяховыя кандыдаты(-кі) могуць разлічваць на паглыбленае знаёмства з амерыканскім грамадствам, культурай і акадэмічнымі інстытутамі, а таксама на магчымасць удасканаліць свае прафесійныя навыкі.

Фармат праграмы

Усе ўдзельнікі(-цы) навучаюцца на дзённым аддзяленні, без атрымання ступені бакалаўра, наведваючы заняткі па выбары з існуючай навучальнай праграмы прымаючай навучальнай установы. Удзельнікі(-цы) павінны выбраць хаця б адзін трохкрэдытны курс, звязаны з вывучэннем ЗША, каб лепш зразумець Злучаныя Штаты. Удзельнікі(-цы) мусяць прысвяціць мінімум 20 гадзін грамадскай працы. Таксама будзе праведзена віртуальная арыентацыя па прыбыцці і вочны семінар пасля заканчэння праграмы. Навучальныя ўстановы, у якія будуць накіраваны удзельнікі(-цы) таксама прапануюць навучанне па такіх тэмах, як акадэмічныя даследаванні і пісьмо, крытычнае мысленне, тайм-менеджмент, канспектаванне, падрыхтоўка да тэстаў і іх здача. Удзельнікі(-цы) будуць жыць у студэнцкім гарадку са студэнтамі(-камі) з ЗША ці ў амерыканскіх сем’ях.

Удзельнікі(-цы) не могуць выбіраць навучальную ўстанову і будуць размеркаваны ў найбольш прыдатныя каледжы або універсітэты, сыходзячы з іх акадэмічных інтарэсаў. Студэнты(-кі), якія не будуць залічаны на папярэдні дадатковы курс англійскай мовы, могуць пазначыць у сваёй заяўцы, якому семестру – восеньскаму або вясноваму – яны аддаюць перавагу, але канчатковае размеркаванне будзе ажыццяўляцца арганізатарамі.

У конкурсе могуць узяць удзел студэнты(-кі) любых спецыяльнасцяў.

*Згодна з правіламі атрымання візы J-1, зацікаўленыя кандыдаты(-кі), якія навучаюцца на спецыяльнасцях, якія звязаны з медыцынай, сястрынскай справай, ветэрынарыяй, фармакалогіяй або іншымі клінічнымі спецыяльнасцямі, павінны ўлічваць, што непасрэдны догляд за пацыентамі, уключаючы догляд за жывёламі, не дапускаецца, і таму заняткі ва ўніверсітэце і/ці мерапрыемствы праграмы ў амерыканскіх установах адукацыі могуць быць абмежаванымі.

Праграма цалкам фінансуецца ўрадам ЗША, што ўключае:

• міжнародныя пералёты ад месца пражывання да ўніверсітэта ў ЗША і ў адваротны бок,

• аплату коштаў навучання ў амерыканскім універсітэце і штомесячную стыпендыю,

• перадвыязную арыентацыю,

• віртуальную арыентацыю па прыбыцці ў ЗША,

• вочны семінар напрыканцы праграмы.

Патрабаванні да кандыдатаў(-ак)

Кандыдаты(-кі) павінны дэманстраваць высокую матывацыю і лідэрскія якасці праз акадэмічную працу, а таксама ўдзел у грамадскай і пазавучэбнай дзейнасці. Яны мусяць на момант падачы заяўкі навучацца па праграме бакалаўрыяту/спецыялітэту ў Беларусі ці іншай краіне і быць абавязанымі скончыць яшчэ хаця б адзін семестр у сваіх навучальных установах пасля ўдзелу у праграме Global UGRAD. Праграма не можа быць апошнім акадэмічным семестрам навучання студэнта(-кі) ў бакалаўрыяце/спецыялітэце.

Адбор удзельнікаў(-іц) праграмы Global UGRAD ажыццяўляецца па выніках аб’ектыўнай ацэнкі здольнасцяў і дасягненняў кандыдатаў (-ак). Конкурс адкрыты для ўсіх, хто адпавядае крытэрыям адбору:

• мець грамадзянства Беларусі;

• мець узрост ад 18 гадоў на момант пачатку ўдзелу ў праграме ў ЗША;

• быць студэнтам(-кай) дзённага аддзялення бакалаўрыяту/спецыялітэту любога ўніверсітэта з добрай акадэмічнай паспяховасцю, які(-ая) скончыў(-ла) як мінімум першы семестр навучання;

• мець прынамсі адзін семестр або эквівалентны тэрмін, які неабходна скончыць у сваёй навучальнай установе пасля заканчэння праграмы Global UGRAD;

• добра валодаюць вуснай і пісьмовай англійскай мовай;

• мець здольнасць пачаць навучанне ў ЗША ўвосень 2023 года або ў студзені 2024 года;

• мець здольнасць атрымаць і мець амерыканскую візу тыпу J-1, неабходную для ўдзелу ў праграме;

• мець магчымасць атрымаць медыцынскі дазвол на ўдзел ў праграме;

• не мець ці амаль не мець досведу знаходжання ў ЗША ці ў іншых краінах за межамі сваёй краіны;

• быць здольнымі набраць мінімальны бал па TOEFL (48iBT).

• мець намер вярнуцца ў сваю краіну пасля завяршэння праграмы.

Наступныя асобы не могуць удзельнічаць у праграме Global UGRAD:

• Грамадзяне і сталыя рэзідэнты ЗША;

• Студэнты(-ткі) магістратуры;

• Мясцовыя супрацоўнікі(-цы) амбасад і консульстваў ЗША падчас працы і на працягу аднаго года пасля спынення працы;

• Бліжэйшыя члены сям’і (г.зн. муж/жонка і дзеці) супрацоўнікаў(-іц) Дзяржаўнага дэпартамента ЗША падчас іх працы і на працягу аднаго года пасля спынення іх працоўнай дзейнасці;

• Дзеючыя супрацоўнікі(-цы) World Learning і бліжэйшыя члены іх сем’яў.

Тэст на веданне англійскай мовы

Усе фіналісты(-ткі) мусяць здаць TOEFL. Яны атрымаюць ваўчары для безкаштоўнай здачы моўнага іспыту.

Працэдура падачы заяўкі

У цяперашні момант заяўкі на дадзеную праграму не прымаюцца. Калі ў вас ёсць пытанні аб праграме Global UGRAD, калі ласка, звяжыцеся з Амерыканскімі саветамі па міжнароднай адукацыі па адрасе belarus@americancouncils.org

Адбор кандыдатаў(-ак) для ўдзелу ў праграме ажыццяўляецца аддзелам публічнай дыпламатыі Амбасады ЗША ў Беларусі пры падтрымцы Амерыканскіх саветаў па міжнароднай адукацыі. Кандыдаты(-кі), якія прайшлі папярэдні адбор, будуць запрошаны на інтэрв’ю.

Праграма адкрыта для ўсіх грамадзян(-ак) Беларусі, якія адпавядаюць патрабаванням, незалежна ад іх месца жыхарства ў цяперашні час.