Джэфры Джук, Павераны ў справах ЗША ў Беларусі

Джэфры Джук

Джэфры Джук – кар’ерны дыпламат, член Вышэйшай дыпламатычнай службы ЗША. Ён займае пасаду Паверанага ў справах ЗША ў Рэспубліцы Беларусь з ліпеня 2020 года.  Да гэтага ён працаваў у аддзеле палітычнага планавання пры Дзяржаўным сакратары Пампеа, дзе адказваў за правядзенне аналізу і падрыхтоўку рэкамендацый па пытаннях палітыкі ў дачыненні да Еўрапейскага саюза, Заходніх Балкан і краін былога Савецкага Саюза.  Раней спадар Джук працаваў у амбасадах ЗША ў Харватыі, Нікарагуа, Сербіі і Туркменістане.  У рамках Дзяржаўнага дэпартамента ў Вашынгтоне ён працаваў у аператыўным цэнтры, офісе па справах Ізраіля і Палестыны, а таксама двойчы ў офісе Еўрапейскага саюза і па рэгіянальных справах.

Спадар Джук атрымаў ступень бакалаўра па гісторыі і французскай мове ва Ўніверсітэце Юты, а таксама ступень магістра і кандыдата навук па еўрапейскай гісторыі і гісторыі знешняй палітыкі ЗША ва Ўніверсітэце штата Агая.  Ён напісаў доктарскую дысертацыю па гісторыі Еўрапейскай эканамічнай супольнасці, папярэдніцы ЕС, і выкладаў міжнародныя адносіны і гісторыю Еўропы Ўніверсітэце Маямі ў Агая.  Джэфры Джук валодае французскай, нямецкай, харвацкай, іспанскай і рускай мовамі.  Ён жанаты з супрацоўніцай дыпламатычнай службы Іўнай Джук, з якой выхоўвае двух дзяцей.